Bli elektroingeniør – medan du bur og jobbar i Sogn!
Høgskulen på Vestlandet (HVL) tilbyr i samarbeid med næringslivet i regionen ei deltidsutdanning i elektroteknologi. Utdanninga er nett- og samlingsbasert over fire år, noko som gjer det mogleg å kombinere studiet med jobb!
Vil du utvikle teknologi som formar framtida? Som elektroingeniør kan du arbeide med alt frå store generatorar i kraftverk, robotar og kretskort til nettverksteknologiar i framtidas internett. No kan du ta ei framtidsretta ingeniørutdanning – utan å flytte frå Sogn.
Utdanninga gir deg ei brei teknisk kompetanse og ei fordjuping som er relevant for ei bransje i vekst. Etter første studieår vel du mellom:
• Elkraftteknikk – der du lærer om elektriske anlegg, kraftsystem og energiforsyning
• Automatisering med robotikk – med fokus på reguleringsteknikk, industriell IT og smarte system
Studer der du bur – med samlingar på Vestlandet
Studiet består av tre fysiske samlingar kvart semester, hovudsakleg i Førde. Resten av undervisninga skjer digitalt, slik at du kan tilpasse kvardagen din etter arbeid og anna ansvar. Samtidig får du alle fordelane ved å vere student i Sogndal.
Her blir det etablert ei eiga studiegruppe med fagleg og sosiale møteplassar. Dette gir eit læringsmiljø som støttar deg gjennom studiet – og ikkje minst: tilgang til eit nettverk av medstudentar, fagpersonar og næringsliv.
Velkommen til Campus Sogndal
Sogndal er eit kompakt og levande studentmiljø – eit “femminutts-samfunn” der du kan bu, jobbe, studere og oppleve Vestlandets villaste natur utan å ofre noko. Og kanskje viktigast: Det er kort veg mellom campus og fjellet, fjorden, klatreveggen eller ein kopp kaffi i sentrum.
På Campus får du:
• Moderne fasilitetar og tilgang til spesialrom
• Hospitering hjå lokale verksemder
• Oppgåveskriving knytt til aktuelle problemstillingar i regionen
• Sosiale og faglege møteplassar – blant anna via Sogn Næring
Undervisninga kombinerer teori med laboratoriearbeid og prosjekt, og gir deg eit godt grunnlag for ei karriere innan elektrifisering, automatisering og digitalisering.
Ein utdanning med moglegheiter – i og utanfor Sogn
Elektroingeniørar er etterspurde over heile landet. Berre i Sogn er det ein rekkje bedriftar som etterspør kompetansen som til dømes Sognekraft, Hydro, Hafslund, Statkraft, Luster Enegri, Caverion og mange fleire! Med ein bachelor i elektroteknologi frå HVL står du sterkt rusta for jobbar innan energisektoren, teknologibransjen, bygg og industri – både lokalt og nasjonalt.
Søk no og bli ein del av framtida – som elektroingeniør i Sogndal!
Les meir og søk her: hvl.no/elektroingenior-forde-deltid