Årdal
Teknologibygda Årdal er framtidsretta og satsar stort på innovasjon, sirkulærøkonomi og på å skapa nye arbeidsplassar. Bygda byr på alt frå lokale verksemder til globale industrikonsern som famnar om moderne teknologi og berekraftig utvikling.
Foto: Hans Smedegård
10 grunnar til å velja Årdal? Teknologiutvikling og innovasjon i verdstoppen, internasjonale arbeidsmiljø, støtte til å skapa eiga verksemd, Jotunheimen som næraste nabo, topptur før eller etter jobb, korte avstandar til jobb, arbeid og fritidstilbod, gunstige eigendomsprisar, dugnadsånd og lokalt engasjement, plassert midt mellom Bergen, Trondheim og Oslo.
Teknologibygda
Med ei industriutvikling i verdstoppen, satsar Årdal stort på å verta verdas grønaste prosessindustri med Årdal kommune og Norsk Hydro i spissen.
Årdal Teknologipark er ein av fem industrielle hubar i Grøn Region Vestland som skal bidra til grøn omstilling og å redusera utslepp og auka verdiskaping og eksportinntekter i Vestland. Huben skal stimulere og leggja til rette for samarbeid på tvers av verksemder og verdikjeder og slik styrka ein industriell symbiose,
Teknologiparken syter og for å gje born og unge teknologilæring frå barnehagealder til og med vidaregåande.
Bu og leva
Eit flott friluftsbad i sentrum, og med Jotunheimen Nasjonalpark og fjord og fjell på alle kantar, er Årdøler svært glade i å bruka naturen rundt seg.
Dugnadsånda i Årdalssamfunnet syter for eit mangfald av opplevingar, aktivitetar og møtestader for folk i alle aldrar og interesser.
Du får rimelege bustader i eit aktivt og attraktivt marknad, og tilflyttarkontoret hjelper deg gjerne med å finna både bustad, arbeid og sosiale møtepunkt for å hjelpa deg til ein god start i bygda.
Målrock
Målrock går av stabelen andre helga i mai kvart år og fremjar pop og rock som vert framførde på dialekt, nynorsk, norsk og andre nordiske språk. Få også med deg det rikhaldige turprogrammet festivalen byr på, og nyt både kultur og natur festivalhelga.
Foto: Jan Ove Skjerping